ქართველმა შემტევმა ლიგა 2-ის ბოლო ტურში, ანჟეს გამარჯვების გოლი გაუტანა. ამ გამარჯვებით კი ბორდო გასავარდნ ზონას კიდევ უფრო დაშორდა.
"ვფიქრობ ზურიკოს გუნდში დარჩენა სურს. ბორდოში თამაშით თავს კარგად გრძნობს, გუნდის სათამაშო სტილს კარგად ერგება. ზურიკო როგორც ჩემთვის, ისე გუნდისთვისაც ძალიან მნიშვნელოვანი ფეხბურთელია. არ მსურს მისი გუნდიდან წასვლა", - ალბერტ რიერა, ბორდოს მთავარი მწვრთნელი.
ბოლო დღეებში, ზურიკოს თაობაზე არაერთი ჭორი დაიწერა, თუმცა დაზუსტებული ინფორმაცია ამ დრომდე არ გავრცელებულა. სატრანსფერო ფანჯარა ორ დღეში იხურება და როგორც ჩანს, დიდია იმის შანსი, რომ 22 წლის ქართველი ფრანგულ კლუბში დარჩეს.
