დადასტურებულად — ფლორენტინო პერესის სურვილია ჟოზე მოურინიო რეალ მადრიდში დაბრუნდეს! ამ ინფორმაციას გავლენიანი გამოცემები ადასტურებენ, მეტიც, პორტუგალიელის აგენტთან პირველი კონტაქტიც შედგა, სადაც მხარეებმა პოტენციურ თანამშრომლობაზე ისაუბრეს.
როგორც ცნობილი ხდება, ფლორენტინო პერესი ყველაფერს გააკეთებს რათა 63 წლის პორტუგალიელი სპეციალისტი სამეფო კლუბში დააბრუნოს და რამდენიმე წყაროს თუ დავუჯერებთ, არც ჟოზე მოურინიოა რეალ მადრიდში დაბრუნების წინააღმდეგი.
ჟოზე მოურინიო რეალ მადრიდის მთავარი მწვრთნელი 2010-2013 წლებში იყო, რა დროსაც 4 ტიტულის მოგება მოახერხა. გამოცდილი პორტუგალიელი სპეციალისტი ამ მომენტისთვის ბენფიკას მთავარი მწვრთნელია, თუმცა მის კონტრაქტში გამოსასყიდი თანხა €3 მილიონი წერია, რისი გადახდაც რეალ მადრიდისთვის პრობლემას ნამდვილად არ წარმოადგენს.
უახლოეს კვირებში ჟოზე მოურინიოსა და რეალ მადრიდის თაობაზე უფრო მეტი ინფორმაცია გახდება ცნობილი. სამეფო კლუბის სიაში სხვა მთავარი მწვრთნელებიც არიან, შესაბამისად, წინ საინტერესო პერიოდი გველოდება.
