პირველ ნახევარში აჭარლები დაწინაურდნენ. ანგარიში თორნიკე კირკიტაძის გადაცემით ნიკა კალანდარიშვილმა გახსნა, თუმცა მოქმედმა ჩემპიონმა მეორე ნახევარში გაათანაბრა, თავი იური ტაბატაძემ გამოიჩინა და შეხვედრა 1:1 დასრულდა.
ანალოგიური ანგარიში დაფიქსირდა თელავში გამართულ მატჩში, სადაც ანგარიში გამოცდილმა დაჩი ცნობილაძემ გახსნა და მასპინძლები დააწინაურა.
მე-13 წუთზე, უხეში თამაშის გამო მოედნიდან თორნიკე მორჩილაძე გააძევეს. მიუხედავად ამისა, დინამომ მაინც შეძლო ანგარიშის გათანაბრება. 24-ე წუთზე თავი მათე ვაწაძემ გამოიჩინა. მეორე ნახევარში გუნდებმა შექმნილი მომენტები ვერ გამოიყენეს - 1:1.
ქუთაისის ტორპედომ საკუთარ მოედანზე მორიგი მარცხი განიცადა. იმერლები ამჯერად დილასთან 1:2 დამარცხდნენ. ირაკლი ბუღრიძემ ყოფილ გუნდს გაუტანა და გოლი არ აღნიშნა. ყოფილი გუნდის წინააღმდეგ თავი პაატა ღუდუშაურმაც გამოიჩინა. ტორპედოს შემტევმა მცველები დააბნია და კლიაიჩს შანსი არ დაუტოვა. 86-ე წუთზე, გამარჯვების გოლი შეცვლაზე შემოსულმა დრამემ გაიტანა. გოლის შემდეგ, ბუღრიძემ საგოლე გადაცემაც გააკეთა და გუნდს 1:2 მოაგებინა.
