პირველი უგოლო ტაიმის შემდეგ, ყველაფერი მეორე ტაიმში მოხდა. 52-ე წუთზე ანგარიში ოთო მამაგეიშვილმა გახსნა და იბერია დააწინაურა.
ამის შემდეგ, ტორპედო მომენტებს მაინც ვერ ქმნიდა, თუმცა პირველივე მომენტი გოლით დასრულდა. ჩემპიონატის ბომბარდირმა ბიორნ იონსენმა ანგარიში გაათანაბრა.
ამ გოლიდან ზუსტად 4 წუთში, ცოტნე ფაცაციამ ულამაზესი თავური დარტყმით ტორპედო წინ გაიყვანა და საბოლოო ანგარიში დააფიქსირა - 2:1.
მსაჯის მიერ დამატებულ წუთზე, ტორპედოს და იბერიას ფეხბურთელებს შორის შეხლა-შემოხლა იყო, რის გამოც მსაჯმა ყვითელი და წითელი ბარათები დაარიგა.
საბოლოოდ, ტორპედომ თავი კარგად დაიცვა, გაიმარჯვა და ცხრილს დილასთან ერთად სათავეში ჩაუდგა.
