ჩემპიონთა ლიგის პლეი-ინის პირველ მატჩში, რეალი ბენფიკას ესტუმრა, მეტოქე 1-0 დაამარცხა და განმეორებითი შეხვედრის წინ უპირატესობა მოიპოვა.
აღნიშნული მატჩის ერთადერთი გოლი სამეფო კლუბის შემტევმა, ვინისიუს ჟუნიორმა 50-ე წუთზე გაიტანა და აღნიშვნის გამო მთავარმა მსაჯმა მას ყვითელი ბარათი უჩვენა.
ყველაფერი კი რამდენიმე წამში დაიწყო — ბენფიკა ცენტრიდან მატჩის განახლებას აპირებდა, როდესაც ვინისიუს ჟუნიორსა და პრესტიანის შორის შელაპარაკება მოხდა. ბრაზილიელი ფეხბურთელი მსაჯთან მივიდა და აღნიშნა, რომ მას რასისტულიშეურაცხყოფა მიაყენეს, რის გამოც მატჩი რამდენიმე წუთით გაჩერდა.
კადრებში ჩანს, რომ ბენფიკას 25 ნომერი, პრესტიანი სახეზე მაისურს იფარებს და ვინისიუსს მიმართავს, რასაც მისი რეაქციას მოჰყვა. მატჩის შემდეგ, ბრაზილიელმა შემტევმა განაცხადა, რომ პრესტიანმა მას მაიმუნი უწოდა, თუმცა, 20 წლის არგენტინელმა ყველაფერი უარყო.
სოციალურ ქსელში ვინისიუს ჟუნიორს მხარდაჭერა არაერთმა მოქმედა და ყოფილმა ფეხბურთელმა გამოუცხადა. UEFA-ს ჯერ ოფიციალური განცხადება არ გაუვრცელებია და არ არის ცნობილი დაიწყო თუ არა ინციდენტზე გამოძიება.
