ლა ლიგის 33-ე ტურში ბარსელონამ საკუთარ კედლებში ვიგოს სელტა მინიმალური ანგარიშით დაამარცხა. მასპინძლების მხრიდან ერთადერთი ბურთი ლამინ იამალმა შეაგდო. კატალონიელები აღნიშნული მოგებით აგროვებენ 82 ქულას და პრიმერა დივიზიონში ლიდერობას იმყარებენ.
"ბლაუგრანას" უახლოესი მდევარი არის მადრიდის რეალი, რომელიც ლა ლიგის პირველადგილოსანს ცხრა ქულით ჩამორჩება. რაც შეეხება დარჩენილ შეხვედრებს, კამპ ნოუს მკვიდრთა მოწინააღმდეგეები იქნებიან თავად "სამეფო კლუბი", ასევე ვალენსია, ბეტისი, ალავესი, ხეტაფე და ოსასუნა.
ბარსელონა 1:0 სელტა
გოლი: ლამინ იამალი 40'.
