გერმანული გავლენიანი გამოცემები საკმაოდ საინტერესო ინფორმაციას ავრცელებენ — როგორც ირკვევა, ლევერკუზენის უფროსობა ერიკ ტენ ჰაგის წარმომადგენლებს დაუკავშირდა, სადაც მხარეებმა მომდევნო სეზონში პოტენციურ თანამშრომლობაზე ისაუბრეს. გერმანული გუნდი ახალ მთავარ მწვრთნელს უკვე ეძებს, რადგან თუ ყველაფერი გეგმის მიხედვით წავა, ჩაბი ალონსო სეზონის ბოლოს ბაიარენას დატოვებს და რეალ მადრიდში გადაბარგდება.
ერიკ ტენ ჰაგმა მანჩესტერ იუნაიტედი 2024 წლის მიწურულს დატოვა, რის შემდეგაც ნიდერლანდელი უგუნდოდაა. 55 წლის სპეციალისტს სხვა გუნდებსაც უკავშირებენ. რამდენიმე კვირის წინ, იტალიური მედია რომას ვარიანტზეც წერდა.
ლევერკუზენში სხვა მწვრთნელებსაც განიხილავენ. როგორც ცნობილი ხდება, გერმანულ კლუბში ძალიან მოსწონთ იმანოლ ალგუასილის კანდიდატურაც. თან ამ ყველაფერს ისიც ემატება, რომ ესპანელი სპეციალისტი სეზონის ბოლოს რეალ სოსიედადს დატოვებს.
გერმანული კლუბის შესახებ უფრო მეტი ინფორმაცია უახლოეს კვირებში გახდება ცნობილი.
