პრემიერ ლიგის მე-10 ტურის დასკვნითი მატჩი ეტიჰად სთედიუმზე გაიმართა, სადაც მაყურებელმა მანჩესტერ სიტისა და ბორნმუთის დაპირისპირება იხილა. გუნდები ამ შეხვედრას საკმაოდ კარგ ფორმაში შეხვდნენ, შესაბამისად, 90 წუთის განმავლობაში საკმაოდ მაღალი დონის ფეხბურთი ვიხილეთ.
მორიგი გოლების გატანა მოახერხა ერლინგ ჰოლანდმა, რომელმაც "ალუბლებს" დუბლი შეუსრულა. მანჩესტერ სიტიდან თავი ნიკო ო'რაილიმაც გამოიჩინა, ხოლო ბორნმუთიდან ერთადერთი გოლი ტაილერ ადამსმა შეაგდო.
პეპ გვარდიოლას გუნდმა ამ გამარჯვების შემდეგ 19 ქულას მოუყარა თავი და მეორე პოზიციაზე გადაინაცვლა.
მანჩესტერ სიტი 3-1 ბორნმუთი
გოლები: 1-0 ერლინგ ჰოლანდი 17', 1-1 ტაილერ ადამსი 25', 2-1 ერლინგ ჰოლანდი 33', 3-1 ნიკო ო'რაილი 60'.
მატჩის მიმოხილვა
