LaGazzetta.ge-ს ინფორმაციით, ჩემპიონატში ამოქმედდება ახალი წესები, რომლებიც ძირითადად მსაჯებთან კომუნიკაციასთანაა კავშირში.
როგორც ჩვენთვის არის ცნობილი, ამიერიდან მსაჯი, საჭიროების შემთხვევაში, განუმარტავს კაპიტანს მატჩის დროს მომხდარ ძირითად
ინციდენტებს, მათ შორის, თუ რა კომუნიკაცია მოხდა მსაჯსა და VAR-ს შორის.მხოლოდ გუნდის კაპიტანს შეუძლია პატივისცემით მიუახლოვდეს მსაჯს ახსნა-განმარტების თხოვნით. გუნდის კაპიტანი ვალდებულია პატივისცემით ისაუბროს მსაჯთან და მოუსმინოს მის განმარტებებს.
კაპიტანი პასუხისმგებელია თანაგუნდელების საქციელზე, სთხოვს თანაგუნდელებს დაიცვან დისტანცია მსაჯთან და პატივი სცენ მას. ამასთან, მსაჯი არ უნდა იყოს მოთამაშეთა მიერ გარშემორტყმული. ნებისმიერი თანაგუნდელი, რომელიც უგულებელყოფს კაპიტნის როლს ან
მიუახლოვდება მსაჯს უპატივცემულობის ან უთანხმოების რაიმე სახით გამოხატვით, იქნება გაფრთხილებული ყვითელი ბარათით მკაფიო სიტყვიერი გაფრთხილების შემდეგ.
მიუახლოვდება მსაჯს უპატივცემულობის ან უთანხმოების რაიმე სახით გამოხატვით, იქნება გაფრთხილებული ყვითელი ბარათით მკაფიო სიტყვიერი გაფრთხილების შემდეგ.
ნებისმიერი მოთამაშე, რომელიც ჟესტიკულაციით ან სიტყვიერად ითხოვს მეტოქისთვის ყვითელი ბარათის მიღებას, იქნება სიტყვიერად გაფრთხილებული. თუ მოთამაშე დაჟინებით აგრძელებს ასეთ ქცევას, მაშინ ის მსაჯის მიერ გაფრთხილებული იქნება ყვითელი ბარათით.
როდესაც გუნდის კაპიტანი არის მეკარე, მან უნდა დაასახელოს ერთი მოთამაშე მოედანზე, რომელიც წარმოადგენს მას მსაჯის ახსნა-განმარტების დროს, როდესაც მეკარე ახლოს არ იმყოფება.
მსაჯთან მიმართებით ეს წესები ევროპის წამყვან ქვეყნებში წლებია მოქმედებს, თუმცა საქართველოს ჩემპიონატის გასულ სეზონებში ამას დიდი ყურადღება არ ექცეოდა.
