ბევრჯერ აღვნიშნეთ, რომ ტორპედო წელს მთავარი ფავორიტია, თუმცა გუნდმა სეზონი მძიმედ დაიწყო, მხოლოდ ერთი თამაში მოიგო და იმისთვის, რომ მთავარი ფავორიტის სტატუსი შეინარჩუნოს, ნავსის გატეხვასა და მოგებას ბათუმში შეეცდება.
გასულ სეზონებთან შედარებით, ბათუმი შედარებით შესუსტებულია, მაგრამ 4 ტურში აჭარლებმა 5 ქულის მოგროვება უკვე მოასწრეს. ბათუმელი გულშემატკივარი კი მათ მთავარ არენაზე ანშლაგს მოწყურებულია.
აღსანიშნავია, რომ ეროვნული ლიგის ხუთივე შეხვედრა დღეს გაიმართება. ტური დინამო თბილისისა და გარეჯის დაპირისპირებით დაიწყება, პარალელურად გაიმართება კოლხეთისა და გაგრას მატჩიც.
საინტერესო მატჩს ველით წყალტუბოშიც, სადაც ადგილობრივი სამგურალი მოქმედ ჩემპიონს, მიმდინარე გათამაშების ლიდერს, იბერიას დაუპირისპირდება.
ბათუმში გასამართი ცენტრალური მატჩის პარალელურად კი გორში დილასა და თელავის მატჩი გაიმართება. ერთი შეხედვით აუტსაიდერი თელავი წელს ჩვენს გაოცებას განაგრძობს და 7 ქულით მეორე პოზიციაზეა.
ეროვნული ლიგა, მე-5 ტურის განრიგი
28 მარტი
დინამო თბილისი-გარეჯი 15:00
კოლხეთი-გაგრა 15:00
სამგურალი-იბერია 19:00
დილა-თელავი 21:00
დინამო ბათუმი-ტორპედო 21:00
