დღეს, ეროვნული ლიგის მე-6 ტურის შეხვედრები გაიმართება. ტურის ცენტრალური მატჩი ქუთაისში შედგება, სადაც ერთმანეთს ქუთაისის ტორპედო და დინამო თბილისი დაუპირისპირდებიან.
აღსანიშნავია, რომ 2023 წლის შემდეგ, დინამოელებს ქუთაისში არ მოუგიათ და ამ ნავსის გატეხვას დღეს შეეცდებიან. ტორპედოსა და დინამოს მატჩი ქართულ დერბიდაა შერაცხული და ყოველთვის დიდ ინტერესს იწვევს.
5 ტურის შემდეგ, იმერულ კლუბს 6 ქულა აქვს, დინამოს კი 5, თუმცა თბილისელებს ერთი მატჩით ნაკლები აქვთ ჩატარებული.
სეზონის მძიმე სტარტის შემდეგ, ტორპედომ თამაში გამოასწორა და მიჯრით ორი საშინაო მატჩი მოიგო. ჯერ მოქმედი ჩემპიონი იბერია დაამარცხა, შემდეგ კი მეშახტე.
ქუთაუსელთა სასიხარულოდ, ფორმაში შედის გიორგი არაბიძე, რომელიც მეშახტესთან მატჩში საუკეთესო იყო - ჯერ გოლი გაიტანა, შემდეგ საგოლე გადაცემა გააკეთა.
დინამოს შემთხვევაში საქმე პირიქითაა- სეზონის სტარტზე სპაერთან მოგების შემდეგ, ლადო კაკაშვილის გუნდს უკვე ზედიზედ სამი მატჩია არ მოუგია.
ეროვნული ლიგა მე-6 ტური
15:00 მეშახტე - სპაერი (26 მაისი, წყალტუბო)
15::00 რუსთავი - დინამო ბთ (დავით პეტრიაშვილი, თბილისი)
19:00 იბერია - სამგურალი (მიხეილ მესხი, თბილისი)
21:00 ტორპედო - დინამო თბ (რამაზ შენგელია, ქუთაისი)
21:00 დილა - გაგრა (თენგიზ ბურჯანაძე, გორი)
