შეხვედრის მე-20 წუთზე თელავის ფეხბურთელი ფირუზ გაბიტაშვილი მოედნიდან გააძევეს, რამაც კახელების საქმე გაართულა და იბერია სრულ უპირატესობას დაეუფლა.
პირველი უგოლო ფრის შემდეგ, მეორე ტაიმის სტარტზე ანგარიში გიზო მამაგეიშვილმა გახსნა. საგოლე გადაცემა დორასო კლასის ანგარიშზეა.
იბერიას ლეგიონერმა გუნდის მიერ გატანილ მეორე გოლშიც შეიტანა წვლილი და ამჯერად, პასი გიორგი ტაბატაძეც გაუკეთა, რომელმაც საბოლოო ანგარიში დააფიქსირა - 2:0
შემდეგ მატჩს იბერია 5 მარტს, ტორპედოს წინააღმდეგ გამართავს, თელავი კი კოლხეთს უმასპინძლებს.
