ლა ლიგის გასული ტურის ცენტრალური შეხვედრა არსენ ვენგერმა შეაფასა. მოგეხსენებათ, მადრიდის რეალმა შინ ბარსელონა 2:1 დაამარცხა.
"ეს იყო კაცები ბიჭუნების წინააღმდეგ - უფრო კონკრეტულად რომ ვთქვა, რეალის დაცვა გაცილებით ძლიერად გამოიყურებოდა, ვიდრე ბარსელონასი.
რეალმა ეს თამაში კარგად ორგანიზებული კონტრშეტევებით და უკეთესი შემსრულებლების ხარჯზე მოიგო. ბარსელონამ ბურთის ფლობის უპირატესობა გაზარდა, თუმცა ეს არაფერს ნიშნავდა.
თამაშიდან გამომდინარე იგრძნობოდა, რომ ბარსელონა ბურთის ფლობის მიუხედავად, გოლის გამტანს არ ჰგავდა. საქებარი სიტყვები ჩემგან ხაბი ალონსოს", - განაცხადა ვენგერმა.
