ევროპა ლიგაზე 1/2 ფინალის განმეორებითი მატჩები დასრულდა. მაყურებელმა მანჩესტერ იუნაიტედი-ატლეტიკ ბილბაოსა და ბოდო გლიმტი-ტოტენჰემის დაპირისპირებები იხილა. დღევანდელი სათამაშო დღის შემდეგ ფინალში გასვლა ორმა ინგლისურმა გუნდმა მოახერხა. მაყურებელს წინ ტოტენჰემი-მანჩესტერ იუნაიტედის დაპირისპირება ელოდება.
მანჩესტერ იუნაიტედი 4-1 ატლეტიკ ბილბაო (ორი მატჩის ჯამში 7-1)
გოლები: 0-1 მიკელ ხაურეგიზარი 31', 1-1 მეისონ მაუნტი 72', 2-1 კაზემირო 80', 3-1 რასმუს ჰოილუნი 85', 4-1 მეისონ მაუნტი 91'.
ბოდო გლიმტი 0-2 ტოტენჰემი (ორი მატჩის ჯამში 1-5)
გოლები: 0-1 დომინიკ სოლანკე 63', 0-2 პედრო პორო 69'.
ევროპა ლიგის ფინალი 21 მაისს, ქალაქ ბილბაოში გაიმართება. ტოტენჰემი-მანჩესტერ იუნაიტედის მატჩში გამარჯვებული მომდევნო სეზონში ჩემპიონთა ლიგაზე ითამაშებს.
დღეს გაირკვა კონფერენს ლიგის ფინალისტებიც. ჩელსიმ დიურგორდენი მეორე მატჩშიც დაამარცხა. ენცო მარესკას გუნდმა მეტოქეს 1-0 მოუგო, ხოლო რაც შეეხება ფიორენტინა-ბეტისის დაპირისპირებას, მაყურებელმა საკმაოდ დაძაბული ბრძოლა იხილა, სადაც გამარჯვება ესპანურ გუნდს დარჩა. მანუელ პელეგრინის ბიჭებმა მეტოქე ორი მატჩის ჯამში 3-4 დაამარცხეს.
კონფერენს ლიგის ფინალი 28 მაისს, ქალაქ ვროცლავში გაიმართება — მაყურებელი ჩელსი-ბეტისის დაპირისპირებას იხილავს.
