73 კგ. წონით კატეგორიაში ლაშა შავდათუაშვილი ბრინჯაოს მედლის მფლობელი გახდა - მესამე ადგილისთვის ბრძოლაში ქართველმა ძიუდოისტმა მოლდოველი ადილ ოსმანოვი დაამარცხა.
81 კგ. წონაში კი წაუგებლად იასპარეზა ტატო გრიგალაშვილმა და კარიერაში მესამედ გახდა ევროპის ჩემპიონი. ფინალში ქართველმა მოქმედმა მსოფლიო ჩემპიონმა ნიდერლანდელ ფრანკ დე ვიტს იპონით მოუგო.
ხვალ ევროპის ჩემპიონატზე მედლები ვაჟთა 90, 100, მძიმე და ქალთა 78, მძიმე წონით კატეგორიებში გათამაშდება. საქართველოს ღირსებას კი ლაშა ბექაური, გიორგი ჯაბნიაშვილი (ორივე 90 კგ.), ილია სულამანიძე (100 კგ.), გურამ თუშიშვილი, საბა ინანეიშვილი (ორივე მძიმე წონა) და სოფიო სომხიშვილი (მძიმე წონა) დაიცავენ. წინასწარი ორთაბრძოლები 12:00 საათზე დაიწყება, ხოლო ფინალური ბლოკი სტარტს 19:00 საათზე აიღებს.
