კვიპროსის ქალაქ ლიმასოლში სტარტი აიღო ევროპის ჩემპიონატმა სამბოში, სადაც საქართველოს ნაკრებიც იღებს მონაწილეობას.
2025 წლის ევროპის ჩემპიონატის პირველ საჭიდაო დღეს, ქართველებმა 8 მედლის მოპოვება მოახერხეს — 2 ოქრო, 2 ვერცხლი და 4 ბრინჯაო.
ჩემპიონები ნინო ოძელაშვილი (72 კგ) და ავთო მუკბანიანი (64 კგ) გახდნენ, მეორე ადგილზე რაულ თუთარაული (71 კგ) და გიორგი ეგნატაშვილი (88 კგ) გავიდნენ, ხოლო ბრინჯაოს მედლებს ომარ ნიაზაშვილი (79 კგ), ელენე ქებაძე (+80 კგ), მიშიკო ნოზაძე (98 კგ) და გიგა სოფრომაძე (58 კგ) დაეუფლნენ.
