მიუნხენის ბაიერნის ერთ-ერთი ლიდერი მაიკლ ოლისე რეალთან მატჩის წინ მოკლე კომენტარს აკეთებს, თავის კუმირსა და საფეხბურთო წესის ცვლილებაზე საუბრობს.
"ერთი წესი, რომელსაც თანამედროვე ფეხბურთში შევცვლიდი? - ჩემი აზრით, მსაჯებთან საუბარი ყვითელი ბარათით არ უნდა ისჯებოდეს.
ჩემი საფეხბურთო კუმირი? - ლეო მესი. მისი თამაშების ყურებით გავიზარდე და ვფიქრობ, ყველა დროის საუკეთესო ფეხბურთელია", - განაცხადა ოლისემ.
შეგახსენებთ, რომ 15 აპრილს, ჩემპიონთა ლიგის 1/4 ფინალის განმეორებით მატჩს ოლისე და ბაიერნი რეალის წინააღმდეგ ჩაატარებენ. ამ გუნდების პირველი მატჩი სანტიაგო ბერნაბეუზე შედგა და რეკორდმაისტერის გამარჯვებით 2:1 დასრულდა.
