იტალიის სერია ა-ს 29-ე ტურში, სატურნირო ცხრილის ლიდერმა, ინტერმა ატალანტას უმასპინძლა და მნიშვნელოვანი ქულები დაკარგა.
მატჩის ანგარიში 26-ე წუთზე ფრანჩესკო ესპოსიტომ გახსნა და მასპინძლები დაწინაურდნენ. 86-ე წუთზე კი თავი ნიკოლა კრსტოვიჩმა გამოიჩინა და საბოლოო ანგარიში, 1-1 დააფიქსირა.
ინტერი 1-1 ატალანტა
გოლები: 1-0 ფრანჩესკო ესპოსიტო (26'), 1-1 ნიკოლა კრსტოვიჩი (86')
დღევანდელი მატჩის შემდეგ, ინტერს 68 ქულა აქვს და სატურნირო ცხრილს ლიდერობს, თუმცა, მილანს სხვაობის 5 ქულამდე შემცირების შანსი აქვს. ატალანტა კი 47 ქულით მე-7 ადგილზეა და ჩემპიონთა ლიგის ზონას 4 ქულით ჩამორჩება. მომდევნო ტურში ნერაძური ფიორენტინას ესტუმრება, ხოლო ბერგამოელები ვერონას უმასპინძლებენ.
