7-თვიანი პაუზის შემდეგ, საქართველოს ნაკრებისა და უოტფორდის ფეხბურთელი გიორგი ჩაკვეტაძე მოედანს დაუბრუნდა და პრესტონთან მატჩში 17 წუთი ითამაშა.
ჩაკვეტაძის მდგომარეობაზე კომენტარი უოტფორდის მთავარმა მწვრთნელმა ხავი გრასიამ გააკეთა.
"როდესაც გადავწყვიტე, რომ ჩაკვეტაძე განაცხადში უნდა შემეყვანა, თავიდანვე ვიცოდით, რომ ის ჩვენს დახმარებას 15-20 წუთზე მეტს ევრ შეძლებდა. გიორგის სჭირდება დრო, რათა ბევრი იმუშაოს და ხანგრძლივი პაუზის შემდეგ, სრულფასოვნად დაბრუნდეს.
კარგად ვიცით, რომ ის მაღალი დონის ფეხბურთელია და ჩვენთვის საჭირო მოთამაშეა. ჩაკვე ბევრს ივარჯიშებს და კარგ ფორმაში ჩადგება", - განაცხადა გრასიამ.
დიდი ხნიანი დაბრუნების შემდეგ, თავის ემოციებზე თავად ჩაკვეტაძემაც ისაუბრა:
"ჩემთვის ამაღელვებელი იყო. შედეგი არასასურველი გამოდგა, თუმცა ბედნიერი ვარ, რომ დიდი ხნის შემდეგ, მოედანს დავუბრუნდი.
ფსიქოლოგიურად ეს პერიოდი ნამდვილად რთული იყო, მაგრამ ბევრი ვიმუშავე, რომ მოედანზე რაც შეიძლება მალე დავბრუნებულიყავი."
