ჩემპიონთა ლიგის პლეიოფში ინტერ მილანი ორი მატჩის ჯამში ბოდო გლიმტთან ანგარიშით 2:5 დამარცხდა. ამ ფაქტს გამოეხმაურა ფაბიო კაპელო, რომელმაც ახსნა მთავარი მიზეზი, თუ რატომ ვერ აღწევენ კალჩოს წარმომადგენლები წარმატებას ევროსარბიელზე.
"იტალიაში ფეხბურთს თამაშობენ ნელ ტემპში. ასე გრძელდება მთელი სეზონის განმავლობაში და დიდი გუნდებიც სწორედ ამ რიტმს არიან მიჩვეულები. როდესაც კალჩოს წარმომადგენლებს ჰყავთ ისეთი მოწინააღმდეგე, რომელიც თამაშობს ინტენსიურად, მიმართავს პრესინგს და დარბის ბევრს, ისინი იბნევიან.
იგივე რამ მოხდა ინტერისა და ბოდოს მიმართებაშიც. სერია ა-ს ლიდერიც კი არ არის მიჩვეული იმ ყველაფერს, რაც მას ნორვეგიულმა გუნდმა შესთავაზა. მილანელებმა არ იცოდნენ, რა უნდა ყოფილიყო გლიმტის ინტენსიური თამაშის საწინააღმდეგო იარაღი."
