"გიორგისგან განსხვავებულს და ახალს არაფერს ვითხოვ. პირველივე დღიდან რასაც ვითხოვდი, იმას ვითხოვ ახლაც. მიქაუტაძემ სიღრმიდან შეტევის დაწყება გააუმჯობესა, რაც ძალიან მახარებს. ის ისეთი სტილის მოთამაშეა, რომელსაც ბურთის მიღება სულ უნდა, არ აქვს მნიშვნელობა მოედანზე სად იმყოფება, შესაბამისად, მომწონს თუ როგორ გადაადგილდება მატჩის მიმდინარეობისას. დაცვასაც უფრო ხშირად ეხმარება.
მას ახლა კარგი პერიოდი აქვს, მაგრამ ჩვენ ასევე გვყავს ალექსანდერ ლაკაზეტიც, რომელიც არ უნდა დაგვავიწყდეს — ის გუნდის ლიდერი და ძალიან მნიშვნელოვანი მოთამაშეა.
ვფიქრობ, მიქაუტაძის პროგრესიც ასახავს გუნდის პროგრესს. გუნდი გოლის გატანის საკმაოდ ბევრ შანსს ქმნის."
შეგახსნებეთ, ლიონი ლიგა 1-ში, 27 ტურის შემდეგ, 45 ქულით, მე-7 პოზიციაზე იმყოფება. რაც შეეხება გიორგი მიქაუტაძეს, ქართველი ფეხბურთელის ანგარიშზე ამ სეზონში 14 გატანილი გოლი და 8 საგოლე გადაცემაა.
