საქართველოს ნაკრები ისტორიაში ზედიზედ მეექვსე ევრობასკეტზე ასპარეზობს, ჩვენ გუნდთან ერთად ევროპის ექვსივე ჩემპიონატზე იასპარეზა გიორგი შერმადინმა. ქართველმა თებერვალში ოცწლიანი სანაკრებო კარიერის დასრულება ევრობასკეტის შემდეგ დააანონსა, თუმცა დღეს ცნობილი გახდა, რომ გიორგი შრმადინი ჩვენ გუნდს ნოემბრის მატჩებში მსოფლიოს ჩმპიონატის საკვალიფიკაციო ეტაპზე დაეხმარება.
“კიდევ ერთი მაგარი რამის თქმა მინდა, ეს ჩემს თანაგუნდელზე, გორგი შრმადინზე, დიახ, უბრალოდ მინდა შევაქო ის დღეს, მან ქულათა რეკორდი დაამყარა და მესამე ადგილი დაიკავა, ქართველი მოთამაშეებს შორის.
გიორგი შერმადინი ქართული კალათბურთის მნიშვნელოვანი ფიგურაა ბოლო 20 ნაწილია უკვე, ჯერ არ გაჟღერებულა, მაგრამ გეტყვით, რომ ის კიდევ დაგვეხმარება, არ ნოემბრის მატჩებში ჩვენთან იქნება. რაც შეეხება 200 მატჩის ჩატარებას ნაკრებში, იმედი მაქვს მაგ რეკოდს მოხსნის,” - განაცხადა თორნიკე შენგელიამ.
დღეს საქართველოს კალათბურთელთა ნაკრებმა ევრობასკეტზე მეოთხე მატჩი გამართა და მეორე გამარჯვება იზეიმა. ჩვენი გუნდი ლიმასოლში ევრობასკეტის ერთ-ერთ მასპინძელ კვიპროსის ნაკრებს დაუპირისპირდა და 61:93 გაიმარჯვა.
ქართველთაგან საუკეთესო შედეგი თორნიკე შენგელიამ დააფიქსირა, 27 ქულა, 4 მოხსნა, 4შედეგიანი გადაცემა. კვიპროსთან მატჩში შერმადინმა 6 ქულა დააგროვა, რითაც ევრობასკეტებზე ჯამში 248 ქულა გამოუვიდა და ამ ამ მაჩვენებლით,ევრობასკეტის ისტორიაში საქართველოს საუკეთესო მექულეთა სიაში მე-3 ადგილზე გადავიდა.
იმისთვის რომ საქართველოს ნაკრებმა ჯგუფური ეტაპი დაძლიოს, რამდენიმე ვარიანტის განხილვა შეიძლება, თუმცა თეორიული დაშვებების გარეშე, ბოსნია და ჰერცეგოვინასთან გამარჯვების შემთხვევაში საქართველო პლეი-ოფში აუცილებლად გავა.
საქართველოს ნაკრები ჯგუფური ეტაპის დასკვნით შეხვედრას 4 სექტემბერს, ბოსნია და ჰერცეგოვინას ნაკრებთან გამართვას. მატჩი თბილისის დროით, 16:00 საათზე დაიწყება.
ევრობასკეტი 2025 ოთხ ქვეყანაში – ლატვიაში, ფინეთში, პოლონეთსა და კვიპროსში ტარდება. აღნიშნულ ქვეყნებში ტურნირის თითო ჯგუფი 6 ნაკრების შემადგენლობით ასპარეზობს და 4 საუკეთესოს გამოავლენს. ჯგუფებიდან ჯამში გასული 16 ნაკრები მეორე ეტაპს პლეი-ოფს ლატვიის დედაქალაქ რიგაში ჩაატარებს, სადაც კონტინენტის ჩემპიონი გამოვლინდება.
