ჩემპიონშიპის ბოლო ტურში, დერბი ქაუნთისთან მოპოვებული მნიშვნელოვანი გამარჯვების შემდეგ, უოტფორდის ფანები საბა გოგლიჩიძის თამაშს სოციალურ ქსელებში გამოეხმაურნენ.
"მშვიდი და უშიშარი, გოგლიჩიძე ჩემს გაოცებას არ წყვეტს"
"ინგლისში 1 თვეც არ არის, რაც ჩამოვიდა და უკვე კარგად აუღო ჩემპიონატს ალღო. ასე თუ გააგრძელა, ის აუცილებლად უნდა შევინარჩუნოთ"
"საბა გოგლიჩიძე აუცილებლად უნდა დარჩეს. პრემიერ ლიგაში დავბრუნდებით, პლეი-ოფს ვითამაშებთ თუ ისევ ჩემპიონშიპში დავრჩებით, ის მომავალში აუცილებლად დაგვჭირდება"
"იმედი მაქვს მთავარი მწვრთნელი გოგლიჩიძეს ნდობას ბოლომდე გამოუცხადებს. ისე ჯერ კიდევ ძალიან ახალგაზრდაა, მაგრამ მჯერა, რომ დაცვაში მალე შეუცვლელი ფეხბურთელი გახდება"
"გოგლიჩიძე თამაშიდან თამაშამდე უმატებს, რაც ძალიან მახარებს"
"საბას მორიგი სოლიდური პერფორმანსი"
შეგახსენებთ, საბა გოგლიჩიძე უოტფორდში მშრალი იჯარის წესით თამაშობს, თუმცა იმის ფონზე, რომ რომ ინგლისურ კლუბსა და უდინეზეს ერთი მფლობელი ჰყავთ, საკმაოდ დიდი შანსია ქართველი ფეხბურთელი ინგლისში მომდევნო სეზონშიც ვიხილოთ.
ზაფხულის სატრანსფერო ფანჯრის მოახლოებასთან ერთად 21 წლის მცველის თაობაზე უფრო მეტი ინფორმაცია გახდება ცნობილი.
