საბა გოგლიჩიძე უდინეზეს ფეხბურთელი ოფიციალურად გახდა. ახალგაზრდა ცენტრალური მცველი გადავიდა გუნდში, რომელშიც სხვადასხვა დროს არაერთ ლეგენდარულ მოთამაშეს უთამაშია. არიან ისეთებიც, რომლებმაც "შავ-თეთრები" გამოიყენეს როგორც ტრამპლინი, არიან ისეთებიც, რომლებმაც აღნიშნულ კლუბში კარიერის საუკეთესო პერიოდი გაატარეს.
როდესაც ვსაუბრობთ "ზებრებზე", პირველ რიგში უნდა გავიხსენოთ ანტონიო დი ნატალე, რომელიც საქართველოს ნაკრების ცენტრალური მცველის მსგავსად, ამ კლუბში ემპოლიდან გადავიდა. იტალიელ ფორვარდს კარიერის მანძილზე ჰქონდა არაერთი შემოთავაზება, მაგრამ მან ფრიულის არ უღალატა.
რაც შეეხებათ მათ, ვინც უდინეზე დატოვეს უფრო მაღალი მწვერვალების გამო, სია უსასრულოა - ოლივერ ბირჰოფი, ალექსის სანჩესი, სამირ ჰანდანოვიჩი, ბრუნო ფერნანდეში და კიდევ უამრავი. ვნახოთ, შეძლებს თუ არა 21 წლის უკანახაზელი სახელოვანი წინამორბედების გზის გამეორებას.
ვარსკვლავები, რომლებმაც უდინეზეში ითამაშეს
| ფეხბურთელი | შედეგი | პერიოდი | შემდეგი გუნდი |
| ოლივერ ბირჰოფი | 96 მატჩი, 62 გოლი | 1995-1998 | მილანი |
| ბრუნო ფერნანდეში | 95 მატჩი, 11 გოლი | 2013-2016 | სპორტინგი |
| ხუან კუადრადო | 24 მატჩი, 0 გოლი | 2009-2012 | ფიორენტინა |
| როდრიგო დე პოლი | 184 მატჩი, 34 გოლი | 2016-2021 | ატლეტიკო |
| ანტონიო დი ნატალე | 446 მატჩი, 227 გოლი | 2004-2016 | - |
| სამირ ჰანდანოვიჩი | 212 მატჩი | 2004-2012 | ინტერი |
| ფაბიო კუალიარელა | 87 მატჩი, 33 გოლი | 2007-2009 | ნაპოლი |
| ალექსის სანჩესი | 112 მატჩი, 21 გოლი | 2006-2011 | ბარსელონა |
| არტურ ზიკო | 53 მატჩი, 30 გოლი | 1983-1985 | ფლამენგო |
| დინო ძოფი | 38 მატჩი | 1961-1963 | მანტოვა |
