საფრანგეთის ჩემპიონატში გამართული მატჩი ოსერსა და ლიონს შორის, სტუმართა დამაჯერებელი გამარჯვებით 1:3 დასრულდა.
პირველი უგოლო ტაიმის შემდეგ, 54-ე წუთზე ანგარიში ჟორჟ მიქაუტაძემ გახსნა, რომელმაც თავისივე მოპოვებული პენალტი გაიტანა. მალევე ლიონის უპირატესობა ჩერკიმ გაზარდა.
მიქაუტაძემ ამჯერად საგოლე გადაცემა გააკეთა და ლაკაზეტის გაატანინა. ოსერმა ერთი გოლი გაიტანა, თუმცა ეს საკმარისი არ გამოდგა.
აღსანიშნავია, რომ 29 ტურის შემდეგ, ლიონმა მე-4 ადგილზე გადაინაცვლა და ჩემპიონთა ლიგის საგზურისთვის იბრძვის.
