ჰარი კეინი ტრავმირებულია — ბოლო ინფორმაცია გერმანიიდან

ინგლისის ეროვნული ნაკრებისა და ბაიერნის ცენტრფორვარდის, ჰარი კეინის ტრავმის სიმძიმე და ლაზარეთში ყოფნის პერიოდი ოფიციალურად გახდა ცნობილი. ინგლისელი ფეხბურთელი ტრავმის გამო, დაახლოებით 2-3 კვირას გამოტოვებს. შეგახსენებთ, რომ 31 წლის ფეხბურთელმა დაზიანება ბუნდესლიგის ბოლო ტურში, დორტმუნდთან მატჩში მიიღო, როდესაც ერთ-ერთი ორთაბრძოლისას, მარჯვენა ფეხის უკანა კუნთზე დისკომფორტი იგრძნო, რის გამოც შეცვლა მოითხოვა.

ჰარი კეინი ტრავმის გამო 4 მატჩს გამოტოვებს — ინგლისელი გოლეადორი "რეკორდმაისტერს" ლევერკუზენთან სათასო შეხვედრაში, შახტართან ჩემპიონთა ლიგაზე და ორ ბუნდესლიგურ მატჩში, კერძოდ ჰაიდენჰაიმთან და მაინცთან დაპირისპირებებში ვერ დაეხმარება. ბაიერნის ერთ-ერთი ლიდერი ყველაზე კარგ შემთხვევაში, წლის ბოლოს, ლაიფციგთან შეხვედრაში დაბრუნდება.