ბარსელონასა და მილანის ინტერის დაპირისპირების საუკეთესო ფეხბურთელად დასახელდა დენზელ დუმფრისი, რომელმაც საკუთარ ანგარიშზე დუბლი და ასისტი მიითვალა. ამის გარდა, "ნერაძურის" განაპირა მცველმა გაიმეორა ერთი საინტერესო მიღწევა, რომელიც 15 წლის წინ დაფიქსირდა.
მეაცას ბინადრების მეორე ნომერი გახდა პირველი ნიდერლანდელი ფეხბურთელი 2010 წლის შემდეგ, რომელმაც ჩემპიონთა ლიგის ნახევარფინალში გოლიც შეაგდო და ასისტიც გაიფორმა. 29 წლის განაპირა მცველამდე, ეს გააკეთა უესლი სნეიდერმა, ასევე კატალონიელებისა და ინტერის შეხვედრაში.
მილანელებმა "ბლაუგრანა" დაამარცხეს 3:1, ნიდერლანდელმა ნახევარმცველმა კი ჯერ გოლი გაიტანა, შემდეგ კი დიეგო მილიტოზე საგოლე პასიც მიითვალა. 15 წლის შემდეგ, ჟოზე მოურინიოს გუნდის ფლეიმეიქერის მიღწევა დუმფრისმა გაიმეორა.
