უნგრეთის დედაქალაქ ბუდაპეშტში მიმდინარე ჯუდოს მსოფლიო ჩემპიონატის მე-6 საჭიდაო დღეს საქართველოს ნაკრები უმედლოდ დარჩა.
-100 კგ წონით კატეგორიაში საქართველოს ღირსებას ილია სულამანიძე იცავდა, რომელმაც ერთი შეხვედრა მოიგო, თუმცა, 1/8 ფინალში დამარცხდა და ტურნირს გამოეთიშა.
ილიამ ასპარეზობა 1/16 ფინალიდან დაიწყო, სადაც მასპინძელი ვეგი დაამარცხა და 1/8 ფინალში გავიდა, სადაც ესპანეთის სახელით მოასპარეზე ნიკოლოზ შერაზადიშვილთან დამარცხდა.
შეგახსენებთ, რომ 6 საჭიდაო დღის შემდეგ საქართველოს ნაკრების ანგარიშზე 3 მედალი — ოქრო ეთერ ლიპარტელიანმა მოიგო, ვერცხლს ტატო გრიგალაშვილი დასჯერდა, ხოლო ბრინჯაოს ლუკა მაისურაძე დაეუფლა.
ხვალ, ინდივიდუალური ტურნირის ბოლო დღეს საქართველოს ღირსებას მძიმე წონაში გურამ თუშიშვილი დაიცავს და მისი პირველი მეტოქე სლოვაკი ფიზელი იქნება.
