სამარის კრილია სოვეტოვის ნახევარმცველმა, ლუკა გაგნიძემ რუსულ პრესასთან საუბარში ევროპაში თამაშის სურვილი გამოთქვა. ახალგაზრდა ქართველმა შუახაზელმა აღნიშნა, რომ მას მოსწონს პრემიერ ლიგა, ლა ლიგა და ბუნდესლიგა.
"ვფიქრობ, ნებისმიერი ფეხბურთელისთვის ევროპაში ძალების მოსინჯვა სასარგებლო იქნება. იქ მაღალი დონის შემსრულებლები თამაშობენ. პირადად მე ინგლისის, ესპანეთისა და გერმანიის ჩემპიონატი მომწონს. ეს ტოპ-ლიგებია!"
შეგახსენებთ, რომ ქართველი ნახევარმცველი რუსეთში გადავიდა 2021 წელს, მოსკოვის დინამოში. ის ახლაც იმყოფება აღნიშნული გუნდის საკუთრებაში, მაგრამ იჯარით ახლა "ლურჯ-თეთრთა" შუახაზელი სწორედ კრილიაში თამაშობს.
