- მიყვარდა სიტის მაისურით თამაში და როცა თავისუფალი დრო მაქვს, აქ ვბრუნდები (მანჩესტერში). თითქმის 30 წელი გავიდა, სიტიში 1995 წელს ვთამაშობდი, მაგრამ როდესაც აქ ვბრუნდები, ყოველთვის თბილად მხვდებიან. არასდროს მიგრძვნია თავი უცხოელად, ეს ჩემი მეორე სახლია და ძალიან ბედნიერი ვარ ამით.
- თქვენმა უნიკალურმა სტილმა ლეგენდად გაქციათ არა მხოლოდ მანჩესტერში, არამედ მის გარეთაც. როგორ შეძელით ეს?
- ზუსტად არ ვიცი. ვფიქრობ, იმ დროს როგორ ფეხბურთსაც ვთამაშობდი, შედარებით უცხო იყო ყველასთვის, რადგან პრემიერ ლიგაში ბევრი ნიჭიერი ფეხბურთელი არ იყო და არც ბევრი უცხოელი თამაშობდა, ამიტომ ვფიქრობ, რომ ჩემი თამაში განსაკუთრებულად ჩანდა.
- როდესაც მანჩესტერ სიტი ჩემპიონატიდან გავარდა, ყველა ტოპ გუნდს სურდა თქვენი დამატება. ბარსელონა, ინტერი, სელტიკი... რატომ დარჩით სიტიში?
- იმის გამო, რომ ეს კლუბი და გულშემატკივრები იმდენად მიყვარდა, რომ არასდროს მიფიქრია წასვლაზე, სწორედ ამიტომ გადავწყვიტე დარჩენა.
- რას გვეტყოდით მანჩესტერ სიტის კრიზისსა და მოახლოებულ დერბიზე?
- ეს არის ფეხბურთი, ასეთი რაღაცები ხშირად ხდება, მაგრამ ვფიქრობ, კვირას ეს ცუდი სვლა შეჩერდება... ვფიქრობ, დერბიში 3-1 მოვიგებთ. მანჩესტერ იუნაიტედთან თამაში ჩემთვის ყოველთვის მნიშვნელოვანი იყო. ჩემს დროს იუნაიტედი დომინირებდა ინგლისურ ფეხბურთში და ჩვენ ყოველთვის ვაგებდით მათთან, ახლა კი სიამოვნებას ვიღებ იმით, თუ როგორ თამაშობენ ისინი (იცინის).
