უნგრეთის დედაქალაქ ბუდაპეშტში მიმდინარე ჯუდოს მსოფლიო ჩემპიონატზე საქართველოს ნაკრებმა პირველი მედალი მოიპოვა.
57 კგ წონით კატეგორიაში ჩემპიონობა ეთერ ლიპარტელიანმა იზეიმა და ქართული ჯუდოს ისტორიაში პირველი ქალი მსოფლიო ჩემპიონი გახდა.
ეთერ ლიპარტელიანმა დღეს ხუთივე ორთაბრძოლა იპონით მოიგო — ფინალამდე სამხრეთ კორეელი, რუსი, ფინელი და თურქმენი სპორტსმენები დაამარცხა, ხოლო ოქროსთვის ბრძოლაში იაპონელ მომო ტამაოკის აჯობა.
ხვალ, მე-4 საჭიდაო დღეს საქართველოს ღირსებას სამი ჯუდოკა დაიცავს. 63 კგ წონით კატეგორიაში ეთერ ასკილაშვილი იასპარეზებს, ხოლო 81 კგ-ში ტატო გრიგალაშვილი და ზაურ დვალაშვილი იჭიდავებენ.
