პრემიერ ლიგის 33-ე ტურში მანჩესტერ სიტიმ არსენალს 2-1 მოუგო და სატურნირო ცხრილში პირველ ადგილთან სხვაობა 3 ქულამდე შეამცირა. ამ ყველაფერს კი ისიც ემატება, რომ "ქალაქელებს" ერთი მატჩით ნაკლები აქვს ჩატარებული, რის ფონზეც საჩემპიონო მარათონი კიდევ უფრო დაიძაბა.
შეხვედრის დასრულების შემდეგ, არსენალის კაპიტანმა მარტინ ოდეგორმა მედიასთან ისაუბრა.
"ტიტულის ბედი დღეს არ გადაწყვეტილა. წინ კიდევ ბევრია სათამაშო და ჩვენ ამისთვის მზად ვართ.
მზად ვართ ბოლომდე დავიხარჯოთ და დასახულ მიზანს მივაღწიოთ -ჯერ არაფერი დასრულებულა!"
