კაპიტალური ნამატის საქმე: იუვენტუსის ყოფილ უფროსობას ბრალი წაუყენეს

რომის პროკურატურამ იუვენტუსის ყოფილ უფროსობას ბრალი წაუყენა — საუბარია 4 ადამიანზე: ანდრეა ანიელი, პაველ ნედვედი, ფაბიო პარატიჩი და მაურიციო არივაბენე. ამ ოთხეულის წინააღმდეგ საქმე რამდენიმე თვის წინ აღიძრა. ამ ამბების გამო, დაზიანდა იუვენტუსიც, რომელსაც იტალიის ფეხბურთის ფედერაციამ ქულები დააკლო.

როგორც გამოცემა "ANSA" იტყობინება, ეს ოთხი ადამიანი ბრალდებულნი არიან არა მხოლოდ კაპიტალის ხელოვნურად გაზრდასა და ხელფასების მანიპულირებაში, ასევე საფონდო ბირჟაზე მანიპულირებაში, ზედამხედველობის ხელის შეშლასა და ყალბი ინვოისის შედგენაში. ოთხეულს ამ დანაშაულის ჩადენისთვის, რა სასჯელი ემუქრებათ, ჯერჯერობით უცნობია.