"კარგად მახსოვს, როგორ აკრიტიკებდით ჩემს გადაწყვეტილებას", - ლუის ენრიკე

"ლოგიკურია, რომ ხვალ  განსხვავებული თამაში გველოდება. განმეორებითი მატჩია და ცოტა რისკიც იქნება. ასტონ ვილა კარგი გუნდია, რომელიც სიტის, ლივერპულის და სხვა მაღალი დონის გუნდების წინააღმდეგ წარმატებით თამაშობს. თუ ისინი ხვალ თავს კარგად დაიცავენ, შეტევაში შანსები ექნებათ. თავის მხრივ, შანსები ჩვენც უნდა გამოვიყენოთ. 

ვართ თუ არა ევროპის გამორჩეული გუნდი? - ამაზე მე არ გიპასუხებთ, უბრალოდ შეხედეთ ციფრებს. ვის აქვს ყველაზე მეტი გოლი, შექმნილი მომენტი და ა.შ. ჩემპიონთა ლიგაზე ამ კომპონენტში თავიდანვე კარგად ვიყავით, მაგრამ ეს სატურნირო ცხრილზე არ აისახა, ამის შემდეგ მომენტების რეალიზება დავიწყეთ და დღეს, ევროპაში ერთ-ერთი გამორჩეულები ვართ.

.ბევრჯერ ვამბობ და კიდევ ვიტყვი, რომ ჩემმა გუნდმა აუცილებლად თანაბრად კარგად უნდა ითამაშოს როგორც დაცვაში, ისე შეტევაში, რათა წარმატებას მივაღწიოთ.

დემბელეს კარგი ფორმა? - კარგად მახსოვს, თავიდან როგორ გააკრიტიკეთ ჩემი გადაწყვეტილება. დღეს სიტუაცია შეცვლილია და დემბელეს თამაშით ყველა კმაყოფილია  "