დღეს საქართველოს ხელბურთლთა ეროვნულმა ნაკრებმა ჩვენი ქვეყნისთვის ზედიზედ მეორე ევროპის ჩემპიონატზე მეორე მატჩი გამართა. ჯგუფური ეტაპის მორიგ შეხვედრაში ჩვენი გუნდი ევროპის ხუთგზის და მსოფლიოს ოთხგზის ჩემპიონ, არაერთი ვერცხლისა და ბრინჯაოს მედლის მფლობელ და ოლიმპიური თამაშების ოთხგზის ფინალისტ, მასპინძელ შვედეთს დაუპირისპირდა.
საქართველოს ნაკრებმა მატჩი აქტიურად დაიწყო, გარკვეულ პერიოდში ორბურთიანი სცვაობითაც იგებდა, თუმცა შვედებმა დაწინაურება მოახერხეს. დაძაბული პირველი ტაიმის შემდეგ, მასპინძლებმა უპირატესობა გაზარდეს და საბოლოოდ, 29:38 გაიმარჯვეს.
მეორე ტაიმში ერეკლე არსენაშვილმა ტრავმა მიიღო და მოედნიდან საკაცით გაიყვანეს.
11 გატანილი გოლით, მატჩის საუკეთესო მოთმაშე გიორგი ცხოვრებაძე გახდა.
ქართველთაგან გოლები გიორგი ცხოვრებაძემ (11), ნიკოლოზ კალანდაძემ (5), ირაკლი კბილაშვილმა (4),გიორგი დიხამინჯიამ (3), ხაზეინ რუსტამოვმა (3), გიორგი ლაპიაშვილმა (1), მირიან გავაშელიშვილმა (1) და გიორგი არეშიძემ(1) მიითვალეს.
2026 წლის ევროპის ჩემპიონატი დანიაში, შვედეთსა და ნორვეგიაში ტარდება. შეჯიბრებაში ევროპირველობაზე 24 ქვეყანა მონაწილეობს.
საქართველოს ხელბურთელთა ნაკრები შვედეთის ქალაქ მალმეში თამაშობს. ჩვენ გუნდთან ერთად E ჯგუფში შვედეთის, ხორვატიისა და ნიდერლანდების ნეკრებები ასპარეზობენ.
საქართველოს ნაკრების შემადგენლობა
ზურაბ ცინცაძე, დავით ნიქაბაძე, გიგი რუხაძე, ხაზეინ რუსტამოვი, ვახტანგ ხარებაშვილი, დავით გრიშიკაშვილი, გიორგი ლაპიაშვილი, მირიან გავაშელიშვილი, ვახტანგ ხელისუფალი, გიორგი არეშიძე, ირაკლი კბილაშვილი, ერეკლე არსენაშვილი, გიორგი დიხამინჯია, ზურაბ გოგავა, გიორგი ცხოვრებაძე, ნიკოლოზ კალანდაძე
მთავარი მწვრთნელი: ტიტე კალანდაძე
მწვრთნელები: მერაბ მეტრეველი, შოთა თევზაძე
საქართველოს ნაკრები მორიგ შეხვედრას 21 იანვარს ნიდერლანდების ნაკრებთან გამართავს.
