ოლიმპიაკოსი 1:4 მაკაბი: აღნიშნულ მატჩში ბერძნულ კლუბს ფავორიტის სტატუსი ჰქონდა, თუმცა საკუთარ კედლებში 4 გოლი გაუშვა და მხოლოდ 1 გაიტანა. დუბლი სტუმართა შემტევმა, ზაჰავიმ გაიფორმა, ხოლო თითო გოლი შაჰარის და პერეცის ანგარიშზეა. მასპინძელთა მხრიდან კი პრესტიჟის გოლი ელ ქააბიმ გაიტანა.
მიოლდე 2:1 ბრიუგე: დაძაბული მატჩი გამოდგა შვედეთში, სადაც მიოლდემ ბრიუგე ბოლო წუთზე გატანილი გოლით დაამარცხა და განმეორებითი მატჩის წინ უპირატესობა მოიპოვა. ანგარიში 43-ე წუთზე მასპინძელთა მცველმა, სტენევიკმა გახსნა, ხოლო 85-ე წუთზე დე კუიპერმა გაათანაბრა. გამარჯვების გოლი კი მსაჯის მიერ დამატებულ დროში, 92-ე წუთზე, გულბრანდსენმა გაიტანა.
აიაქსი 0:0 ასტონ ვილა: უგოლოდ დასრულდა ამსტერდამში გამართული შეხვედრა, სადაც აიაქსმა ასტონ ვილა მიიღო. შეხვედრა დაძაბული გამოდგა და მატჩის მიწურულს, მსაჯმა ორი ფეხბურთელი გააგდო მოედნიდან. ყველაფერი კი 1 კვირაში ინგლისში გადაწყდება.
