გუნდური პირველი ადგილი, 5 მედალი - 3 ოქრო და 2 ვერცხლი, - ასეთი შედეგი დააფიქსირა საქართველოს 19 წლამდე მოკრივეთა ნაკრებმა ევროპის ჩემპიონატზე. ევროპირველობა ჩეხეთის ქალაქ ოსტრავაში გაიმართა, სადაც საქართველოს ჰიმნი სამჯერ აჟღერდა.
ჩემპიონები ლუკა ჩხიკვაძე (60კგ.), ზუკა ჭოჭუა (65კგ.) და აკაკი ბასარია (70 კგ.) გახდნენ. ვერცხლის მედლებს ელნურ აბდულაევი (75 კგ.) და დავით მხეცაძე (80 კგ.) დაეუფლნენ.
აღსანიშნავია, რომ ზუკა ჭოჭუამ ევროპის ჩემპიონობა მეორედ იზეიმა.
