პარის სენ-ჟერმენი ახალი სეზონის დაწყებამდე რამდენიმე ფეხბურთელს დაემშვიდობება. თითქმის გადაწყვეტილია, რომ ლიგა 1-ის დომინანტს ლი კანგ-ინი დატოვებს.L'Équipe მის შესახებ წერს, რომ ხვიჩა კვარაცხელიას მოსვლის შემდეგ, მისი ადგილი პსჟ-ში პრაქტიკულად აღარ არის.
"ენრიკე სეზონის დასაწყისში ლიზე ამყარებდა დიდ იმედებს, თუმცა ზამთარში კვარაცხელიას მოსვლამ მას საქმეები საგრძნობლად გაურთულა. ხვიჩა პარის სენ-ჟერმენის სქემაში ჩაჯდა ისე კარგად, რომ კანგ-ინის ადგილი გუნდში აღარ აღმოჩნდა, საფრანგეთის ჩემპიონატის ბოლო ტურებშიც კი.
პსჟ-ს უკვე განაღდებული ჰქონდა ლიგა 1-ის ჩემპიონობა, თუმცა ამის მიუხედავად, სამხრეთ კორეელი გარემარბი მოედანზე მაინც ცოტა ხნით შემოდიოდა. "ლურჯ-წითლები" თავიანთ ვინგერს აფასებენ 30 მილიონად, მაგრამ არაა გამორიცხული, ის იჯარითაც გაუშვან."
