ლა ლიგის პრეზიდენტი, ხავიერ ტევასი ჟოზე მოურინიოს მადრიდის რეალში შესაძლო დაბრუნებას გამოეხმაურა. მისი თქმით, სკანდალურ პორტუგალიელ სპეციალისტს ეხერხება შოუს დადგმა და მაყურებლებისთვის კარგი სანახაობის შეთავაზება, რაც პრიმერა დივიზიონს წაადგება.
"მოურინიოს რეალში დაბრუნება? თუ ხელმძღვანელობა მიიღებს ასეთ გადაწყვეტილებას, ეს კლუბს მხოლოდ წაადგება. ჩვენ ვსაუბრობთ კარგ შოუმენზე, რომელსაც ეხერხება სანახაობის დადგმა. ჟოზეს მადრიდში დაბრუნება მთლიანად პრიმერა დივიზიონისთვის იქნება სასარგებლო", - განაცხადა ესპანელმა ფუნქციონერმა.
შეგახსენებთ, გადაწყვეტილია, რომ "სამეფო კლუბი" ამ სეზონის დასრულების შემდეგ დაემშვიდობება თავის ამჟამინდელ მწვრთნელს, ალვარო არბელოას. მის შემცვლელად ამ მომენტისთვის სწორედ პორტუგალიელი სპეციალისტი მოიაზრება.
