მორიგი გამარჯვება იზეიმა, მკლავჭიდელმა ლევან საგინაშვილმა. ქართველი ჰალკის სახელით ცნობილმა სპორტსმენმა აშშ-ში, ჩიკაგოში, პრესტიჟულ, East vs West 18-ის ღონისძიებაზე სუპერმძიმე წონით კატეგორიაში პირველობა არავის დაუთმო.
საგინაშვილმა იტალიელი ერმეს გასპარინი მარტივად და დომინანტურად, 5:0 დაამარცხა. ლევანმა იტალიელი მეორედ დაამარცხა. ქართველმა ამ გამარჯვებით 2024 წელს ამავე შეჯიბრებაზე მოპოვებული მსოფლიოს ჩემპიონის ტიტული დაიცვა.
საგინაშვილმა 2024 წელს დევონ ლარატის დამარცხება შეძლო.
