შეხვედრა "ფარმაცევტებმა" კარგად დაიწყეს, მატჩის მე-3 წუთზე გუნდის ერთ-ერთმა ლიდერმა, გრანიტ ჯაკამ ულამაზესი შორეული გოლით საკუთარი გუნდი წინ გაიყვანა. თუმცა ეს სიხარული დიდხანს არ გაგრძელდა, რადგან სტუმრებმა შეხვედრის მე-7 წუთზე ანგარიშის გათანაბრება შეძლეს. მაინცის მხრიდან თავი დომინიკ კორმა გამოიჩინა. ტაიმის ბოლომდე მეტი საინტერესო მომენტი აღარ გვინახავს.
მეორე ტაიმი ალონსოს გუნდმა უკეთ დაიწყო და მალევე მეორე გოლიც ვიხილეთ. 68-ე წუთზე, ლევერკუზენის მხრიდან კიდევ ერთი შორეული დარტყმა შესრულდა, ამჯერად ანდრიხმა გადაწყვიტა საკუთარი იღბლის გამოცდა და მისთვის საბედნიეროდ, ამას კარგი შედეგი მოჰყვა - მაინცის მეკარემ უპატიებელი შეცდომა დაუშვა და ლევერკუზენი ისევ წინ გავიდა, 2:1.
მატჩის ბოლომდე სიტუაციას მთლიანად ალონსოს გუნდი აკონტროლებდა. ლევერკუზენმა საქმე ბოლომდე მიიყვანა და მორიგი 3 ქულაც ჩაიწერა. ამ გამარჯვებით "ფარმაცევტებმა" 61 ქულა მოაგროვეს.
ჩაბი ალონსოს ლევერკუზენმა რეკორდი დაამყარა გერმანიის ფეხბურთის ისტორიაში - ყველაზე გრძელი დაუმარცხებელი სერია, კერძოდ 33 მატჩი!
