ESPN-მა შეაფასა ჩემპიონთა ლიგის ფაზის გუნდების გამოსვლა და მათ შეფასებები დაუწერა. უმაღლესი ქულა, ანუ A+ დაიმსახურა ორმა კლუბმა: მიუნხენის ბაიერნმა და ლონდონის არსენალმა. მათ შემდეგ, A შეფასებით მოდიან ტოტენჰემი, სპორტინგი და ყარაბაღი. რაც შეეხება პარის სენ-ჟერმენს, B-.
პსჟ ერთადერთია ასეთი ქულით და ზემოაღნიშნული გუნდების გარდა, ჩემპიონთა ლიგის მოქმედ გამარჯვებულზე წინ აღმოჩნდნენ ინტერი (A-), ბარსელონა, ლივერპული, იუვენტუსი, ჩელსი (B+), რეალი და მანჩესტერ სიტი (B). რაც შეეხება ყველაზე დაბალი შეფასების მქონე კლუბს, ასეთი, ვილიარეალია (F).
შეგახსენებთ, რომ "ყვითლებმა" ჩემპიონთა ლიგის ფაზის რვა ტურში მოაგროვეს მხოლოდ ერთი ქულა და ევროსეზონი 35-ე ადგილზე დაასრულეს. "სუბმარინა" მე-7 ტურამდე მაინც ინარჩუნებდა 24-ეულში მოხვედრის თეორიულ შანსს, მაგრამ ამსტერდამის აიაქსთან წაგებით ყველაფერს წერტილი დაესვა.
