მამარდას 4 სეივი ალმერიასთან - ვალენსიამ მნიშვნელოვანი მატჩი მოიგო

ესპანეთის ლა ლიგის 23-ე ტურში ვალენსიამ საკუთარ მოედანზე ალმერია მიიღო და მეტოქე 2-1 დაამარცხა.

მასპინძელთა კარში ტრადიციულად გიორგი მამარდაშვილი იდგა, რომელმაც 4 ბურთი მოიგერია და გუნდს 3 ქულის მოპოვებაში დაეხმარა.

23 ტურის შემდეგ, ვალენსიას 35 ქულა აქვს, მე-7 ადგილზე იმყოფება და ევროტურნირების ზონას მხოლოდ 1 ქულა აშორებს - შემდეგ ტურში მამარდაშვილის გუნდი ლა პალმასს ესტუმრება.