- რა რეაქცია გქონდათ, როდესაც გაიგეთ, რომ ლივერპულმა ვალენსიასთან მამარდაშვილის ტრანსფერი შეათანხმა?
- დიდად არ გამიკვირვებია. მამარდაშვილი მართლაც კარგი მეკარეა და ბევრს ლაპარაკობდნენ იმის შესახებ, რომ რაღაც ეტაპზე ის ვალენსიას დატოვებდა. გიორგი მზად არის ისეთ კლუბში თამაშისთვის, რომელიც ჩემპიონთა ლიგაზე გამოდის. ევრო 2024-ის შემდეგ ყველა კითხვას პასუხი საბოლოოდ გაეცა. ქართველი კარის დარაჯისთვის ლივერპული არის წინგადადგმული ნაბიჯი, კლუბმაც სწორი არჩევანი გააკეთა.
- დიდად არ გამიკვირვებია. მამარდაშვილი მართლაც კარგი მეკარეა და ბევრს ლაპარაკობდნენ იმის შესახებ, რომ რაღაც ეტაპზე ის ვალენსიას დატოვებდა. გიორგი მზად არის ისეთ კლუბში თამაშისთვის, რომელიც ჩემპიონთა ლიგაზე გამოდის. ევრო 2024-ის შემდეგ ყველა კითხვას პასუხი საბოლოოდ გაეცა. ქართველი კარის დარაჯისთვის ლივერპული არის წინგადადგმული ნაბიჯი, კლუბმაც სწორი არჩევანი გააკეთა.
- ვარაუდობდით წარსულში იმას, რომ ლივერპულის დონის კლუბი გიორგის მიაქცევდა ყურადღებას და გადმოიბირებდა?
- მამარდაშვილს ცოტა უჩვეულო მარშრუტი ჰქონდა ვალენსიამდე. ვფიქრობ, მისი ტრანსფერი კლუბისთვის სწორი გათვლა იყო. ესპანური კლუბი პიტერ ლიმის ეპოქაში, ძირითადად, დაკავებულია ახალგაზრდა მოთამაშეების აღმოჩენით, მათი განვითარებითა და შემდეგ სარფიანად გაყიდვით. გიორგი "ღამურების" პროექტის ნაწილი იყო.
- ქართველი მეკარე ძალიან ახალგაზრდა იყო, როდესაც შეიჭრა "ლოს ჩესის" სასტარტოში, თუმცა თავიდანვე ჩანდა, რომ მას სუპერ პოტენციალი ჰქონდა. ერთადერთი რამ, რაც სჭირდებოდა "მურსელაგოსის" კარის დარაჯს გამოცდილება იყო. კლუბში ყოველთვის ფიქრობდნენ, რომ გარკვეული პერიოდის შემდეგ, მათი 25-ე ნომერი ჩემპიონთა ლიგაზე მოთამაშე გუნდში გადავიდოდა.
- ქართველი მეკარე სწრაფი ტემპებით პროგრესირებს. ვალენსიაში მას ჩატარებული აქვს 100-ზე მეტი მატჩი, თანაც 23 წლის ასაკში...
- ვალენსიას უკანასკნელი რამდენიმე წლის განმავლობაში აღმასვლა და დაღმასვლა ჰქონდა. ეს გუნდი მიჩვეულია ჩემპიონთა ლიგაზე თამაშს და ჩვენ რაფაელ ბენიტესის დროს მათი ჩემპიონობაც გვახსოვს. "ღამურებში" ბოლო წლებში კრიზისია და მათ პერიოდულად უწევთ თავიანთი საუკეთესო მოთამაშეების გაყიდვა. ასეთ ვითარებაში ბევრი მატჩის ჩატარება მარტივი საქმე არ არის.
"ლოს ჩეს" შემადგენლობა იცვლება სეზონიდან სეზონამდე, მათ შორის დაცვის ხაზიც, თუმცა ეს ფაქტი მამარდაშვილის თამაშის ხარისხზე გავლენას არ ახდენს. გიორგიმ შარშან თავის საუკეთესო სეზონი ჩაატარა, ის ნამდვილად ახალ საფეხურზე ავიდა.
- ვალენსიას მეკარე ყველა სხვა კომპონენტის გარდა, პენალტების მოგერიებაშიც ძლიერია...
- მამარდაშვილი არის მაღალი, ფიზიკურად ძლიერი და ლიდერის თვისებებით დაჯილდოვებული მეკარე. პენალტი არის ის გარემოება, რომელშიც გოლკიპერებს გაბრწყინების შანსი აქვთ. გიორგიმ გასულ სეზონში 6-დან 3 დარტყმა მოიგერია, რაც ძალიან კარგი შედეგია. ეს ყველაფერი ხოსე მანუელ ოჩოტორენას დამსახურებაა.
- ესპანელი მწვრთნელი მუშაობდა "ფურია როხას" ოქროს ეპოქაში, როდესაც ნაკრებმა მოიგო მსოფლიოსა და ევროპის ორი ჩემპიონობა. ის იკერ კასილასს ავარჯიშებდა. ამის გარდა, ვალენსიას კარის დარაჯთა დამრიგებელი ბენიტესთან ერთად ლივერპულშიც მუშაობდა. ქართველი გოლკიპერი ესპანეთში გადმოსვლის მომენტისთვის ნიჭიერი იყო, მაგრამ გამოუცდელი, 63 წლის სპეციალისტმა ის დახვეწა.
- როგორ ფიქრობთ, ვალენსიას 25-ე ნომერი პრემიერ ლიგისთვის მზად არის?
- სხვა ლიგების მეკარეები ხშირ შემთხვევაში მხოლოდ ხაზზე თამაშს არიან მიჩვეულები. შეიძლება ითქვას, რომ პრემიერ ლიგის გოლკიპერი ერთგვარი გამთამაშებელია. მამარდაშვილი უფრო ძველი სკოლის კარის დარაჯია, მას ასეთ სტილში არ უთამაშია, არც ვალენსიაში და არც საქართველოს ეროვნულ გუნდში.
- არ ვამბობ იმას, რომ გიორგის არ შეუძლია ეს, უბრალოდ ასეთ სტილში თამაშის გამოცდილება მას არ აქვს. ეს არ არის საგანგაშო, რადგან ახალგაზრდა კარის დარაჯს კიდევ ბევრი დრო აქვს წინ.
