მანჩესტერ იუნაიტედის ყველაზე ცუდი სტარტი პრემიერ ლიგაში — რას ამბობს სტატისტიკა?

ინგლისის პრემიერ ლიგის 2024/25 წლების სეზონი მანჩესტერ იუნაიტედისთვის მძიმედ დაიწყო და გუნდი გასავარდნ ზონასთან უფრო ახლოს არის, ვიდრე ზედა ოთხეულთან.

ჩატარებული 7 შეხვედრის შემდეგ, ერიკ ტენ ჰაგის გუნდმა მხოლოდ 2 მოიგო, 2 ფრედ დაასრულა, 3 წააგო და 8 ქულით მე-14 ადგილს იკავებს. აღსანიშნავია, რომ მანჩესტერის ფეხბურთელებმა 5 გოლი გაიტანეს და 8 გაუშვეს.

პრემიერ ლიგის ისტორიაში მანჩესტერ იუნაიტედმა პირადი ანტირეკორდი დაამყარა — ტურნირის ისტორიაში პირველად, წითელმა ეშმაკებმა საწყის 7 ტურში მხოლოდ 8 ქულის აღება მოახერხეს.

მანჩესტერ იუნაიტედის 3 ყველაზე ცუდი სტარტი საწყის 7 ტურში:

1) 2024/25 წლების სეზონი — 8 ქულა (ერიკ ტენ ჰაგი)
2) 2023/24 წლების სეზონი — 9 ქულა (ერიკ ტენ ჰაგი)
3) 2019/20 წლების სეზონი — 9 ქულა (ოლე გუნარ სოსლკიაერი)