ჩემპიონთა ლიგის ფაზა მეორე ტურით დაგვიბრუნდა. დღეს გაიმართება ცხრა მატჩი, ხვალ ასევე დარჩენილი ცხრა მატჩი.
გალათასარაი V ლივერპული
დღის ცენტრალური მატჩი გაიმართება სტამბოლში, სადაც გალათასარაი ლივერპულს მიიღებს. შეგახსენებთ, რომ პირველ ტურში მერსისაიდელებმა დრამატულ ბრძოლაში მოუგეს მადრიდის ატლეტიკოს, "წითელ-ოქროსფრები" კი მოულოდნელად ფრანკფურტის აინტრახტთან განადგურდნენ.
პირველი ტურის შედეგების მიხედვით, ბოლოსწინა, 35-ე ადგილზე სწორედ ალი სამი იენის ბინადრები არიან. დღეს, თურქული გუნდი თავისი ქომაგების წინაშე რეაბილიტაციას ეცდება. ოქან ბურუქის გუნდის მხრიდან კარგი ამბავი არის ის, რომ შემადგენლობაშია ვიქტორ ოსიმენი, რომელმაც ტრავმა სრულად მოირჩინა.
გალათასარაი არ განიცდის საკადრო პრობლემებს, ისევე როგორც "წითლები", ჯოვანი ლეონის დაზიანებას თუ არ ჩავთვლით. ეს იქნება სტამბოლელებისა და ენფილდის ბინადრების რიგით მე-5 შეხვედრა, წინა 4 თამაში დაფიქსირდა 2 ფრე, ასევე თითო ჯერ მოიგეს როგორც ინგლისელებმა, ისე თურქებმაც.
ჩემპიონთა ლიგის სამშაბათის მატჩის დღე
| დრო | მატჩი |
| 20:45 | ქაირათი - რეალი |
| 20:45 | ატალანტა - ბრიუგე |
| 23:00 | გალათასარაი - ლივერპული |
| 23:00 | ატლეტიკო - აინტრახტი |
| 23:00 | ჩელსი - ბენფიკა |
| 23:00 | პაფოსი - ბაიერნი |
| 23:00 | ინტერი - სლავია |
| 23:00 | ბოდო/გლიმტი - ტოტენჰემი |
| 23:00 | მარსელი - აიაქსი |
