ჩემპიონთა ლიგის შემდეგ, გაიმართება ევროპა ლიგისა და კონფერენს ლიგის ფაზის მეოთხე და მესამე ტურები. ცენტრალურ მატჩად შეგვიძლია მივიჩნიოთ ოთარ კიტეიშვილის შტურმ გრაცის შეხვედრა ინგლისის ჩემპიონატის ბინადარ ნოტინგემ ფორესტთან.
შტურმი V ნოტინგემი
ეს არ არის პირველი შემთხვევა, როდესაც შტურმი ნოტინგემს უპირისპირდება. 1983/1984 წლების სეზონის უეფას თასის მეოთხედფინალში ფორესტმა გრაცს 2:1 მოუგო. 41 წლის შემდეგ, ისინი კვლავ ხვდებიან ერთმანეთს. რაც შეეხება უშუალოდ კიტეიშვილს, მიმდინარე სეზონში ის მართლაც საოცარ ფორმაშია.
ქართველმა გამთამაშებელმა 15 მატჩში გაიტანა 8 გოლი და 2 საგოლე გადაცემაც მიითვალა. ცხადია, "შავ-თეთრების" მიზანი არის ევროპა ლიგის 1/8 ფინალში თამაში, მაგრამ ავსტრიული კლუბი ჯერჯერობით ამ მიზნისგან შორს არის. 4 ტურის შემდეგ, მერკურ არენას ბინადრები 27-ე პოზიციაზე არიან. ვნახოთ, შეიცვლება თუ არა უკეთესობისკენ იურგენ საუმელის გუნდის მდგომარეობა "მეტყევეებთან" შეხვედრის შემდეგ.
