ლა ლიგა დაბრუნდა და 2026 წლის პირველი დიდი მატჩი იქნება კატალონიური დერბი - ბარსელონა ესპანიოლს ესტუმრება. განვიხილოთ, თუ რას უნდა ველოდოთ აღნიშნული შეხვედრისგან.
ესპანიოლი V ბარსელონა
ლა ლიგის მე-19 ტურისთვის ამ გუნდების სატურნირო მდგომარეობა არის ასეთი - ჩემპიონატს 46 ქულით ლიდერობს ბარსელონა, რომელიც უახლოეს მდევარს, მადრიდის რეალს 4 ქულით უსწრებს. ესპანიოლი 33 ქულით მე-5 პოზიციაზეა და მიზანი ამ ეტაპზე 4-ეულში შესვლა არის. უახლოესი კონკურენტი არის გიორგი მიქაუტაძის ვილიარეალი, რომელსაც "პერიკიტოსი" 2 ქულით ჩამორჩება.
"ბლაუგრანა" საოცარ ფორმაშია, 26 ნოემბერს, ლონდონის ჩელსისთან მარცხის შემდეგ, ამ გუნდმა ზედიზედ შვიდ მატჩში იმარჯვა. ამის გარდა, უშუალოდ პრიმერა დივიზიონში "ლურჯ-ბროწეულისფრებს" ქულები 26 ოქტომბრის შემდეგ არ დაუკარგავთ. რაც შეეხებათ "ლურჯ-თეთრებს", ბოლო 6 შეხვედრაში 5 მოგება, ასევე გამორჩეული შედეგია.
ეს იქნება ამ გუნდების რიგით 219-ე მატჩი - იქამდე, 128-ჯერ იმარჯვეს კამპ ნოუს ბინადრებმა, 44-ჯერ - ესპანიოლის ფეხბურთელებმა, 46 შეხვედრა ფრედ დასრულდა. პრიმერა დივიზიონში ბარსას "პერიკიტოსსთან" 2009 წლის თებერვლის შემდეგ არ წაუგია. აღნიშნული დუელის საუკეთესო გოლეადორი: ლეო მესი, რეკორდული 25 ბურთით.
დღევანდელ მატჩში ყურადღების ცენტრში იქნება ჟოან გარსია, ვინც გასულ ზაფხულს "ბლაუგრანაში" სწორედ "ლურჯ-თეთრებიდან" გადავიდა. აქვე დავამატებთ, კორნელა-ელ პრატის ბინადრებთან შეხვედრის შემდეგ, "ლურჯ-ბროწეულისფრები" პრიმერა დივიზიონში აიღებენ პაუზას და ესპანეთის სუპერთასზე გადაინაცვლებენ.
შაბათის მატჩის დღე
| კომო - უდინეზე | 15:30 | სერია ა |
| ალმერია - გრანადა | 19:15 | ლა ლიგა 2 |
| იუვენტუსი - ლეჩე | 21:00 | სერია ა |
| ბორნმუთი - არსენალი | 21:30 | პრემიერ ლიგა |
| ელჩე - ვილიარეალი | 21:30 | ლა ლიგა |
| ბენფიკა - ეშტორილი | 22:00 | პრიმეირა ლიგა |
| ლე მანი - სენტ-ეტიენი | 23:00 | ლიგა 2 |
| ესპანიოლი - ბარსელონა | 23:55 | ლა ლიგა |
