მატჩის დღე: მერსისაიდული დერბი და ქართველი ლეგიონერები

შაბათის მატჩის დღეს არაერთი გამორჩეული შეხვედრა გველის, პირველ რიგში, კი მერსისაიდული დერბი: ევერტონი - ლივერპული. განვიხილოთ აღნიშნული მატჩი, სხვა დანარჩენ თამაშებთან ერთად.

პრემიერ ლიგა

პრემიერ ლიგის მე-15 ტური სწორედ მერსისაიდული დერბით დაიწყება. რიგით 204-ე დაპირისპირება, რომლის ისტორია ასეთია - 88 შეხვედრაში იმარჯვა ლივერპულმა, 49-ჯერ მოიგო ევერტონმა, 66 მატჩი კი ფრედ დასრულდა. ორივე კლუბი დაპირისპირებას განსხვავებული განწყობით ხვდება: ქალაქის ერთი წარმომადგენელი ჩემპიონობისთვის იბრძვის, მეორე კი - ადგილის შენარჩუნებისთვის.

ლიდერები 35 ქულით "წითლები" არიან, რომლებიც უახლოეს მდევარს, ლონდონის ჩელსის შვიდი ქულით უსწრებენ. "ლურჯები" 14 ქულით მე-15 პოზიციას იკავებენ და გასავარდნ ზონამდე მათ მხოლოდ 5 ქულა აშორებთ. საინტერესოა ისიც, რომ გუდისონ პარკის არცერთ ბინადარს არ გაუტანია მიმდინარე სეზონში 3 ბურთზე მეტი, მაშინ, როდესაც ენფილდელების მხრიდან, მო სალაჰს უკვე 13 გოლი აქვს გატანილი.

16:30 - ევერტონი-ლივერპული

19:00 - კრისტალ პალასი-მანჩესტერ სიტი

19:00 - ასტონ ვილა-საუთჰემპტონი

19:00 - ბრენტფორდი-ნიუკასლი

21:30 - მანჩესტერ იუნაიტედი-ნოტინგემი

ლა ლიგა

ლა ლიგაში დღეს თამაშობს როგორც ორი მთავარი ფავორიტი, ისე გიორგი მამარდაშვილის გუნდიც. ბარსელონა ესტუმრება ბეტისს, რეალი - ჟირონას, ვალენსია კი რაიო ვალეკანოს მიიღებს. შეგახსენებთ, რომ პრიმერა დივიზიონის გასულ ტურში, სხვაობა "ბლაუგრანასა" და მადრიდელებს შორის კვლავ 4 ქულა გახდა.

17:00 - ლას პალმასი-ვალიადოლიდი

19:15 - ბეტისი-ბარსელონა

21:30 - ვალენსია-რაიო ვალეკანო

23:55 - ჟირონა-რეალი

სერია ა

მილანურმა გუნდებმა უკვე ითამაშეს, დღეს თავის შეხვედრას ჩაატარებს ტურინის იუვენტუსი, რომელიც დაუპირისპირდება ბოლონიას, რომა კი ლეჩეს მიიღებს. შეგახსენებთ, რომ სატურნირო ცხრილის ლიდერი ამ დროისთვის ბერგამოს ატალანტაა, რომელმაც გუშინ "როსონერის" მოუგო.

ბუნდესლიგა

საინტერესო დაპირისპირებები იქნება ბუნდესლიგაშიც - მიუნხენის ბაიერნი მიიღებს ჰაიდენჰაიმს, ლევერკუზენის ბაიერი კი - სანქტ პაულის, ასევე, გაიმართება ბორუსიების დერბი: გლადბახი - დორტმუნდი.

18:30 - ბაიერნი-ჰაიდენჰაიმი

18:30 - ლევერკუზენი-სანქტ პაული

18:30 - ბოხუმი-ვერდერი

18:30 - აინტრახტი-აუგსბურგი

18:30 - კილი-ლაიფციგი

21:30 - გლადბახი-დორტმუნდი

ლიგა 1

ლიგა 1-ში ჩვენთვის ყველაზე საინტერესო იქნება ლიონის სტუმრობა ანჟერთან. შეგახსენებთ, რომ გიორგი მიქაუტაძის ანგარიშზე მიმდინარე სეზონში ოთხი ბურთია: 2 საფრანგეთის ჩემპიონატში, 2 კი - ევროპა ლიგაზე.

20:00 - მონაკო-ტულუზა

22:00 - ნიცა-ლე ავრი

23:55 - ანჟერი-ლიონი

ლეგიონერები

გიორგი მამარდაშვილისა და გიორგი მიქაუტაძის გარდა, დღეს ვიხილავთ ბუდუ ზივზივაძესაც, რომლის კარლსრუე კაიზერსლაუტერნს ესტუმრება. ასევე, საინტერესოა გიორგი წიტაიშვილის გრანადას მატჩი სანტანდერის რასინგთან. ამასგარდა, ქართველი ლეგიონერები დღეს ითამაშებენ ავსტრიასა და ევროპის სხვა ქვეყნებშიც.

16:00 - კაიზერსლაუტერნი-კარლსრუე

16:30 - ევერტონი-ლივერპული

17:00 - კოლდინგი-კოპენჰაგენი

18:30 - ბაიერნი-ჰაიდენჰაიმი

18:30 - ლევერკუზენი-სანქტ პაული

19:00 - კრისტალ პალასი-მანჩესტერ სიტი

19:15 - ბეტისი-ბარსელონა

19:15 - გრანადა-რასინგი

20:00 - ტიროლი-შტურმი

20:00 - ვოლფსბერგერი-ლასკი

20:15 - კოზენცა-ფროზინონე

21:00 - იუვენტუსი-ბოლონია