დღეს, ეროვნული ლიგის მე-10 ტურის ერთ-ერთი გამორჩეული შეხვედრა ბათუმში შედგება, სადაც დინამო ბათუმი დინამო თბილისსს დაუპირისპირდება.
მიუხედავად იმისა, რომ დინამო ბათუმს ამ ეტაპზე ცუდი შედეგები აქვს და ბოლო პოზიციაზეა, დღევანდელ მატჩს წინ ბევრი საინტერესო ფაქტი ახლავს.
ამ მატჩს თამამად შეგვიძლია მწვრთნელთა ჯახი დავარქვათ - ლეგენდარული თემურ ქეცბაია, ჩვენი ჩემპიონატის ერთ-ერთი გამორჩეული სპეციალისტის, გიორგი ჭიაბრიშვილის წინააღმდეგ,
ამ შემთხვევაში, უპირატესობა სტუმარ გუნდს აქვს, რადგან დინამო ბათუმი სატრანსფერო ბანის გამო ახალ ფეხბურთელებს ზაფხულამდე ვერ არეგისტრირებს და შედარებით სუსტი შემადგენლობით უწევთ თამაში, ქეცბაიამ კი დინამოს 7 მატჩიანი მოუგებელი სერია სამგურალთან შეწყვიტა და თბილისური კარიერა წარმატებით დაიწყო.
ბათუმში გასამართი მატჩის კიდევ ერთი ინტრიგა ხვიჩა კვარაცხელიას 16 წლის ძმა, თორნიკე კვარაცხელიაა, რომელიც ქეცბაიამ მატჩის განაცხადში შეიყვანა და შესაძლოა, დღეს დინამო ძირითადი გუნდის შემადგენლობაში მისი დებიუტი ვიხილოთ.
მიუედავად ბათუმის კრიზისული სიტუაციისა, დინამო თბილისს აჭარულ კლუბთან თამაში ყოველთვის უჭირს. მაგალითისთვის, ბოლო 7 მატჩიდან თბილისელებმა ბათუმელებს მხოლოდ ერთხელ მოუგეს.
ამ წუთისთვის სატურნირო ცხრილში ასეთი სიტუაციაა - ბათუმს 7 ქულა აქვს და ბოლო პოზიციაზეა, დინამო თბილისი კი 11 ქულით მე-6 პოზიციას იკავბს.
დინამო ბათუმი - დინამო თბილისი
ეროვნული ლიგა, მე-10 ტური
2 მაისი, 19:00
ბათუმი არენა, ბათუმი
მთავარი მსაჯი: ბექა კუნჭულია
